Apelacion despues di castigo
Apelacion y Resistencia
Bo no ta di acuerdo cu e veredicto
Si bo no ta di acuerdo cu e veredicto den Prome Instancia tin accionnan cu bo por tuma. Tin dos alternativa: Bo por apela of bay encontra di e veredicto.
Apelacion
E uso di e recurso legal aki por wordo haci mediante un apelacion firma pa bo persona (acuzado). Tambe bo abogado of un terser persona, pa medio di un autorisacion firma, por pidi pa bay den apelacion pabo. (art. 446 WvSv).
E fiscal general tambe por bay den apelacion contra e veredicto. Sinembargo, pa partidonan leciona door di delitonan penal ley no ta permiti pa bay contra veredicto di e hues.
Si bo a ricibi e invitacion pabo sesion personal of bo a presenta na esaki, bo por presenta bo apelacion den e periodo di 14 dia despues di e veredicto final. (Artículo 437 del Código Penal). Den otro caso, bo por firma un apelacion mas tarda 14 dia despues cu un circunstancia a presenta den cual ta mustra cu bo ta familiarisa cu e decision final.
Pa apela contra un decision final, bo mester presenta dilanti Corte. Pa firma pa bay apelacion contra un veredicto, bo mester meld na balie di Corte.
Resistencia
Si bo no presenta na e sesion na cual bo a wordo yama, hues por atende bo caso, den bo ausencia y dicta sentencia. Esaki ta ser yama na Hulandes: "vonnis bij verstek ".
Bo por bay corte denter di 14 dia despues di "verstek in verzet" basta e sitacion pa presenta na e sesion a wordo notifica na bo persona. Den otro casonan por bay "in verzet": despues di circunstancianan caminda abo como condenado ta conoci cu e veredicto final. (art. 429 WvSv).
Pa firma un accion di resistencia bo mester ta na balie di Corte.
Partidonan perhudica den caso
Inspeccion di documento
Como partido perhudica bo por haci inspeccion di documentonan. (art. 376 WvSv). Bo abogado of un persona apodera door di bo persona por haci esaki pabo. Pa traha cita pa inspeccion di documento bo por tuma contacto cu e registro penal na Corte. Riba e fecha bo mester trece e formulario 'ternnisgeving benadeelde partij', cu bo a ricibi di parti di Ministerio Publico, hunto cu un prueba valido di identidad (paspoort, rijbewijs of cedula).