Investigashon di irregularidatnan
Korte Komun di Hustisia e último lunanan a hasi investigashonnan interno di e atministrashon di e kuentanan di e asina yamá plaka di tersernan (derdengeldenrekeningen). Esaki a tuma lugá na su ofisinanan na Aruba, Boneiru, Kòrsou i Sint Maarten. Riba e kuentanan aki ta depositá entre otro plaka ku a keda konfiská den kasonan penal.
For di e investigashon a konstatá ku na e ofisina na Sint Maarten tin motibu pa hasi mas investigashon. For di e investigashon aki a konstatá iregularidatnan. Tin posibilidat ku un empleado di Korte ta envolví a den esaki. Pendiente mas investigashon Korte a skòrs e empleado aki i a hasi denunsia na Ministerio Públiko na Sint Maarten.
Korte a hasi e kontròl interno na tur su ofisinanan mas estrikto, pa evitá ku algu asinaki por bolbe pasa den futuro. Korte lo no duna mas informashon tokante di e kaso aki tanten ta en espera di e resultadonan di e investigashon di Ministerio Públiko.