Kolegionan partikular
Kolegionan partikular i hurisdikshon disiplinario
Miembronan di Korte Komún di Hustisia di Aruba, Kòrsou I Sint Maarten i di Boneiru, Sint Eustatius i Saba ta forma òf ta toka parti, konforme areglonan legal, di e siguiente kuerponan spesial (tin biaha disiplinario):
- Korte di asuntunan di ámtenar
- Kolegio disiplinario médiko
- Kolegio di supervishon (abogasia)
- Kolegio di apelashon (abogasia)
- Kolegio di supervishon notariado
Hurisdikshon disiplinario
Hurisdikshon disiplinario ta un forma di hurisdikshon ku ta pèrkurá pa miembronan di un grupo profeshonal tene nan mes na reglanan pa komportashon di nan profeshon. Ta trata akinan di profeshonnan liber manera médikonan i notarionan. E meta di hurisdikshon disiplinario ta pa protehá interesnan di esnan ku ta hasi uso di e servisionan di e grupo di profeshon. Pa medio di hurisdikshon disiplinario tambe por konservá ‘honor i dignidat’ di e profeshon.
Copyright 2019 Gemeenschappelijk Hof van Justitie