Areglo di keho
Kada persona tin derecho di entregá un keho na bestür kontra di Korte pa motibu di e forma ku ela wòrdu tratá na sierto okashon. Por ehèmpel, si bo ta di opinion ku a tarda muchu pa bo haña reakshon riba un karta, petishon of tratamentu di bo kaso. Por keha tambe si bo ta haña ku un persona ku ta traha na Korte no a trata ku bo na un manera korekto.
Tokante kiko bo no por hasi keho?
No por usa e areglo di keho si bo ta malkontentu ku un veredikto di hues, òf otro desishonnan di kontenido. Den e kaso ei bo por bai kontra di esaki den un kaso di apelashon.Banda di esei no ta posibel pa hasi un keho kontra funshonarionan ku no ta traha na Korte di Hustitia, manera un notario, abogado òf mediadó. Sigui lesa pa mas informashon tokante kiko bo por hasi.
Keho kontra di un notario:
Bo por skirbi un karta di keho i dirigí esaki na e presidente di "Kamer van Toezicht op het Notariaat" i entregá esaki na Sekretaria di Korte (Griffie). Si akaso bo keho wòrdu konsiderá suseptibel (ontvankelijk) "Kamer van Toezicht op het Notariaat" ta trat'é durante un seshon. Bo ta risibí un sitashon. Den kaso ku bo keho aparentemente no ta suseptibel òf aparantemente ta infundá bo ta keda informá tokante esaki.
Keho kontra di un abogado:
Un keho kontra di un abogado mester wòrdu entregá na "Raad van Toezicht voor de Advocatuur". Pa mas informashon tokante esaki bishitá e wèbsait di órden de abogadonan: http://ordevanadvocaten.cw/organisatie/klachten-en-geschillen/
Keho kontra di un mediadó:
Si un mediadó ta afiliá na MFN (http://mfnregister.nl) òf ADR (http://www.adr-register.com/nl/), lo bo por akudí serka Caribbean Mediators Association pa kehonen òf mas pregunta. Link: https://cmamediators.com/.