Huicio Sumario
Kico ta un huicio sumario?
Un huicio sumario ta un procedura urgente unda bo ta solicita na e hues pa un decision (temporal) liher. Esaki bo ta haci den un caso yama na Hulandes “kort geding”. Easki bo ta haci den un caso urgente. No ta obligatorio pa haci uso di un abogado si bo kier entrega un huicio sumario.
Ki ora bo por cuminsa un procedura?
Si bo kier cuminsa cu e procedura pa por ehempel den caso di desaloho, cancelacion di un embargo, reclamo di debe etc.
Kico bo mester pa cuminsa un huicio sumario?
- Un procedura ta cuminsa cu un peticion den cual bo ta pidi hues pa un decision rapido (temporalmente). E peticion ta wordo entrega duplica (2x) na balie di Corte.
- E peticion tin nomber, adres, number di telefon, e-mail di demandante y e persona cu a wordo cita pa presenta dilanti di hues.
- Mester agrega copia di registro civil y copia di camara di comersio (no mas bieu cu 3 luna) di e persona cu mester presenta dilanti hues.
- Pa caso di un persona (sin abogado), mester agrega prueba di pago di deurwaarder.
- Bo ta desea corta den periodo di notificacion, bo mester menciona esaki den e peticion, cu copia di e demandante (art.56 procesreglement 2018)
- Bo mester firma e peticion
Kico ta e gasto?
Pa entrega un huicio sumario mester paga honorario di Corte. E montante di e honorario ta basa riba e montante di e debe.
Stampia
Na Aruba, Curaçao y Sint Maarten mester pega stampia riba e peticion
Aruba
Na Aruba mester cumpra stampia di Awg. 8,- pa e prome cuater pagina nan di e peticion.Pa e di 5 i 6 pagina mester cumpra dos stampia di Awg. 8,- y un di Awg. 4,-.
Pa peticion di mas cu 6 pagina bo ta cumpra dos stampia Awg. di 8,-.
E stampianan bo por cumpra na Corte di Prome Instancia di Aruba na J.G. Emanstraat 51.
Curaçao
Bo mester pega 20 florin na stampia riba un di e dos pagina nan di e peticion y 10 florin pa tur e pagina nan siguiente. E stampia nan aki bo por cumpra na balie di Corte of Ontvanger Curaçao na Regentesselaan z/n .
Sint Maarten
Na Sint Maarten bo ta paga 10 florin pa e prome cuater pagina nan e pa cada pagina cu ta sigui 5 florin. Bo por cumpra e stampianan na balie di ‘Courthouse’, Frontstreet 58.
Tuma nota: ora ta trata di varios demandante, cu diferente demanda, cada demandante mester paga honorario di corte. (art. 20 Landsbesluit tarieven in Burgerlijker Zaken)
Con lihe e ta wordo trata y con lihe e huicio sumario ta tuma luga
A base di artikel 55 van het procesreglement 2018 , e grado di urgencia di e caso ta wordo determina door di hues.
Sesion
E peticion ta wordo trata door di un hues durante e sesion. Abo y e persona demanda ta ricibi un invitacion. Esun demanda ta ricibi un copia di e peticion como anexo.
Cu un notificacion di deurwaarder e persona demanda ta ser door di esaki.
Presentacion di documentonan por wordo entrega mas tarda riba e dia di trabou prome cu e dia di sesion pa 14:00 or. (art 57 procesreglement 2018).
Pa un bon evaluacion di e disputa, ta importante pa ambos partido ta presente durante e procedemento pa splica nan posicion.
Veredicto
Despues di e sesion e hues ta tuma un decision den forma di un veredicto. E veredicto ta wordo dicta dos (2) pa cuater (4) siman despues di e sesion. E veredicto bo por pasa tuma na Frontoffice di Corte of por manda esaki pabo.