Divorcio (Aruba)
Si bo ta casa y bo no ta desea di forma parti di e matrimonio mas, bo por scoge pa divorcio.
Tin 3 posibilidad:
- divorcio: bo matrimonio ta wordo disolve;
- separacion legal: bo ta wordo casa, pero ta opta pa biba separa;
- disolucion di matrimonio despues di separacion legal; despues di un cierto periodo, ainda por scoge pa disolve e matrimonio.
Download: checklist
E proceduranan pa gran parti ta mescos y ta cay bou di casonan civil. Bo no ta obliga pa busca un abogado. E procedura di divorcio ta dura minimal 1 siman te cu mas cu 1 aña, dependiendo si ambos partido ta yega lihe na un acuerdo tocante e divorcio.
Procedura
E procedura di divorcio ta consisti di e siguiente pasonan:
- Prepara caso civil
Abogado
Bo no ta obliga pa bay na un abogado den caso di un procedura di divorcio. Si bo partner y bo persona ta di acuerdo tocante e divorcio, tur palabracion den e convenio y tambe cu e plan di paternidad, bo por bay na un abogado, pero esaki no ta obligatorio.
Convenio
Hunto cu bo partner (cu un abogado si esaki ta necesario) boso ta yega hunto na un convenio di divorcio, unda tin tur palabracion registra. Esakinan ta por ehempel palabracionnan tocante cen, cas, auto, debe, areglo di pensioen, alimentacion pa mucha y partner of areglo di bishita.
Un acuerdo di divorcio no ta obligatorio.
Plan di paternidad
Si bo tin yiunan menor di edad, bo por alinia un plan di paternidad. Den e plan abo y bo partner ta registra con ambos despues di divorcio ta bay cuida y cria e yiunan y tambe e gastonan cu ta mara na esaki. Un plan di paternidad no ta obligatorio.
- Peticion pa Divorcio
Abo y bo patrtner ta di acuerdo
Abo y bo partner of boso abogado mester entrega hunto e peticion pa divorcio na Corte di Prome Instancia di Aruba. Wak e link ariba tocante divorcio.
Abo y bo partner no ta di acuerdo
Bo partner no ta di acuerdo cu e divorcio of e consecuencianan financiero y e consecuencia practico di esaki? E ora ey toch bo por solicita un divorcio unilateral na Corte di Prome Instancia di Aruba. Bo no ta obliga di tin un abogado. Bo por entrega tambe un peticion. Bo pareha ta ricibi un copia di e peticion unilateral y si e no ta di acuerdo e por entrega un carta di defensa.
Pa esaki bo partner mester acudi na un abogado.
Peticion disolucion di matrimonio despues di separacion legal
Bo ta separa y bo kier termina bo matrimonio?
Tin 2 posibilidad:
- Conhuntamente boso ta entrega un peticion pa disolve e matrimonio. Por manda solicita esaki na cualkier momento
- Un di e parehanan ta entrega e disolucion di e matrimonio. E regla principal ta pa e matrimonio a dura a lo menos 3 aña.
Na disolucion di e matrimonio despues di separacion mester entrega un peticion autentico di e decision hudicial unda e separacion ta wordo menciona.
- Defensa contra matrimonio
Bo pareha mes a entrega un peticion di divorcio?
Bo tin 3 posibilidad:
Contra di e peticion di divorcio
Bo no ta di acuerdo cu e peticion di divorcio of peticionnan acompañante manera alimentacion of areglo di bishita? Bo por entrega un carta di defensa te cu e fecha di tratamento di e divorcio.
Mas tempo
Bo mester di mas tempo pa entrega bo carta di defensa? Bo por pidi hues retraso.
Abstene defensa
Cu un declaracion di referencia, bo por duna di conoce na e hues cu bo ta laga e decision den su man. Bo ta declara cu bo a ricibi e copia di e peticion, y cu bo no ta entrega un carta di defensa y cu bo no ta haya necesario pa trata esaki durante e caso den Corte. Pues bo no mester entrega un carta di defensa.
Ningun reaccion
Bo no a reacciona? Hues ta dicidi e ora ey tocante e peticion di divorcio y tur otro peticion den cuadro di e divorcio, manera alimentacion of maneho. Bo ta ricibi despues di algun siman e decision di hues tocante e divorcio.
Abogado no ta necesario
Si bo kier pidi retraso di e caso of kier entrega un carta di defensa, bo no mester di abogado pa esaki.
Decision momentaneo pa motibonan practico
Bo mester di un decision acelera tocante cuido di e yiunan of uso temporal di un cas conhunto,
y ambos partido no por yega na un acuerdo? Por pidi hues un disposicion provincial. Esaki ta un procedura apart. No ta necesario pa tin un abogado pa esaki. Corte lo yama ambos partido pa un sesion y despues un decision lo wordo tumá mas pronto cu ta posibel. E decision lo ta pa un periodo.
- Reparticion despues di divorcio
Den un procedura di divorcio si ta necesario hues lo trata e parti di reparticion. Ta practico pa duna di conoce adelanta si e pareha ta casa den convenio of condicionnan di matrimonio. Si e pareha ta casa den convenio matrimonial y no por yega na acuerdo di reparticion, tin cu pidi un procedura adicional pa esaki. Tin gastonan adicional a cu esaki.
Sera un convenio
Hunto boso por yega na un areglo tocante repartimento y/of areglo, eventualmente cu ayiudo di un abogado, pa asina trece un solicitud pa un convenio dilanti di hues.
- Sesion
Invitacion pa un sesion
Pa e sesion abo y bo partner lo ricibi un invitacion. Den esaki tin para ki dia (fecha) e sesion lo tuma lugar na Corte di Prome Instancia di Aruba. Durante e sesion abo y bo partner lo haya e posibilidad pa duna un splicacion verbalmente.
Combersacion cu menornan di edad
Corte di Prome Instancia lo invita muchanan entre 12 y 18 aña pa medio di un carta pa un combersacion di mucha. Un combersacion asin aki ta dura mas o menos 10 minuut.
Mayornan no por tuma parti na e combersacion. E mucha no ta obliga pa bini. Na lugar di presenta e menor tambe por skirbi un carta pa hues.
Sin publiko
Durante e sesion no por tin publico presente. Casonan di divorcio no ta publico. Hues ta dicidi si partidonan profesional manera Voogdijraad of gezinsvoogdij por ta presente durante e sesion.
- Decision di un hues
Niun decision
Un caso ta termina sin decision di hues na momento cu bo partner revoca e procedura.
Veredicto
E hues ta duna veredicto den mayoria caso. Solamente esaki ta tuma lugar 4 siman prome cu decision di hues y por pasa tuma esaki personalmente. Si acaso hues tin cu pensa un tiki mas largo, e decision ta tuma lugar den mayoria caso despues di 6 siman. E hues ta laga sa na final di e sesion ki dia por pasa tuma e veredicto. Esaki ta e decision di divorcio.
- Apelacion y Casacion
Apelacion
Un di boso no ta di acuerdo cu e veredicto di hues? Abo y bo partner por bay contra di e decision di hues den apelacion. Inicialmente bo tin 6 siman pa apela.
Casacion
Un di boso no ta di acuerdo cu e veredicto di Corte Comun di Husticia? Abo of bo (ex-) partner por bay casacion of apelacion. Apelacion lo no trata e contenido di e caso. Apelacion ta solamente husga si Corte Comun di Husticia a comete un fayo huridico. Un abogado tin cu haci un apelacion pa casacion.
- Inscripcion Divorcio
Inscripcion di e decision na registro civil
E divorcio ta inicia door di inscripcion di e decision di divorcio na Registro Civil di Aruba (Censo). E inscripcion aki ta sosode riba peticion di ambos partido of un di nan. Si e peticion pa inscripcion no ta haci pa mas tarda 6 luna despues di e decision di hues, e decision ta perde su validez.
Ki documento bo mester tin
Pa inscribi e decision na Registro Civil bo mester: un copia di e decision di divorcio y e declaracion di Corte cu e decision ta na vigor (copia y declaracion). E copia y declaracion lo ta cla 4 siman despues di e veredicto di hues na e balie di Corte di Prome Instancia di Aruba. Lesa cual situacion ta aplicabel pabo.
Pa ricibi un declaracion bo decision, e periodo di apelacion den cuadro di e decision di hues mester a vence. Ora esaki vence e veredicto ta definitivamente y irevocabel. Tin termino mara na esaki.
Peticion hunto pa Divorcio
Si bo a entrega un peticion hunto pa divorcio, y e hues a asigna esaki, e decision ta bira mesora definitivo. No tin posibilidad pa apelacion ora ta trata di un peticion hunto, pa divorcio. Bo por busca e declaracion y copia den e caso aki despues di 4 siman na e balie di Corte. Hues lo duna e fecha pa pasa recoge esaki durante e sesion.
Lesa aki cual di e puntonan ta aplicabel pabo:
- Si bo a entrega un peticion pa divorcio hunto, ambos partido a presenta na e sesion, hues a acepta e peticion, y ambos partido a declara cu nan ta di acuerdo cu e divorcio,
e decision ta bay na vigor mesora. Por pasa busca e copia y declaracion despues di 4 siman, na e balie di Corte di Prome Instancia di Aruba. E fecha exacto lo wordo duna durante e sesion door di e hues. - Den caso cu solamente e partido cu a pidi e divorcio presenta na e sesion y e hues a acepta e peticion mesora, mester solicita pa un grosse. E decision di divorcio mester wordo notifica door di un deurwaarder na e contra partrido. Si acaso e deurwaarder no entrega esaki personalmente na e contra partido, e decision di divorcio mester wordo publica den Landscourant.
- Bo mester bay cu e grosse serca e deurwaarder. Despues di notificacion di e deurwaarder y eventualmente e publicacion den Landscourant, e termino ta drenta na vigor.
E deurwaarder por duna mas informacion tocante esaki.
Por sosode cu e hues no a tuma un decision durante di e sesion. Na final de e sesion, e fecha cu hues lo tin su desicion.
Kico mas bo mester?
- Na mometu cu busca e copia y decision mester trece: un stampia di Awg. 8,-
y unu di Awg. 4,- - Na momento cu busca un grosse mester trece: un stampia di Awg. 8,-
- Inscripcion di separacion legal (tafel en bed)
Inscripcion di e decision na Registro Civil
E decision unda e separacion legal a wordo dicta of pronuncia, e decision mester wordo registra conforme articulo 1:173 lid 1 di e Código Civil di Aruba den e registro di propiedad matrimonial na Corte di Prome Instancia di Aruba y No na Registro Civil di Aruba (Censo).
- Gastonan di divorcio
Tin gastonan mara na un procedura di divorcio. Bo ta paga e gastonan cu tin di haber cu e caso: Honorario di corte
E gastonan ta lo siguiente:
- un solicitud hunto pa divorcio: Awg. 50,-;
- un solicitud comun pa divorcio: Awg. 50,-;
- un disposicion provincial: Awg. 50,-