Divorsio (Aruba)
Si bo ta kasa i bo nò ta deseá di forma parti di e matrimonio mas, bo por skohe pa divorsio.Tin 3 posibilidat:
- divorsio: bo matrimonio ta wòrdu disolvé;
- separashon legal: bo ta keda kasá,pero ta opta pa biba separá;
- disolushon di matrimonio despues di separashon legal; despues di un sierto periodo, ahinda por skohe pa disolvé e matrimonio.
Download: checklist
E proseduranan ta gran parti meskos i ta kai bòu di kasonan sivíl.Bo no ta obligá pa buska un abogado.E prosedura di divorsio ta dura minimal 1 siman te ku mas ku 1 aña, dependiendo si ámbos partido ta yega lihé na un akuerdo tokante e divorsio.
Prosedura
E prosedura di divorsio ta konsistí di e siguiente pasonan:
1. Prepará kaso sivíl
Abogado
Bo nò ta obligá pa rekurí na un abogado den kaso di un prosedura di divorsio.Si bo partner i abo ta di akuerdo tokante e divorsio i tur palabrashon den e konvenio i tambe plan di paternidat, bo por rekurí na un abogado, pero esaki nò ta obligatorio.
Konvenio
Huntu kubo partner ( ku un abogado si esaki ta nesesario) boso ta yega huntu na un konvenio di divorsio, unda tin tur palabrashon registrá.Esakinan ta por ehèmpel palabrashonnan tokante sèn, kas, outo, debe, areglo di penshun, alimentashon pa mucha i partner, areglo di bishita.Un akuerdo di divorsio nò ta obligatorio.
Plan di paternidat
Si bo tin yunan menor di edat, bo por alinia un plan di paternidat.Den e plan abo i bo partner ta registra kon ambos despues di divorsio ta bai kuida i kria e yunan i tambe e gastunan ku ta mara na esaki. Un plan di paternidat no ta obligatorio.
2. Petishon pa Divoriso
Abo i bo patrtner ta di akuerdo
Abo i bo partner òf boso abogado mester entregá huntu e petishon pa divorsio na Korte di Prome Instansia di Aruba. Wak e link ariba tokante divorsio.
Abo i bo partner nò ta di akuerdo
Bo partner nò ta di akuerdo ku e divorsio of e konsekuenshanan finansiero i e konsekuenshanan praktiko di esaki? E ora ei bo por tòg solisitá un divorsio unilateral na Korte di Promé Instansha di Aruba. Bo nò ta obligá di tin un abogado.Bo por entregá tambe un petishon.Bo pareha ta risibí un kopia di e petishon unilateral i si e nò ta di akuerdo e por entregá un karta di defensa. Pa esaki bo partner mester akudí na un abogado.
Petishon disolushon di matrimonio despues di separashon legal
Bo ta separá i bo ke terminá bo matrimonio?
Tin 2 posibilidat:
- Konhuntamente boso ta entregá un petishon pa disolvé e matrimonio.Por manda solisitá esaki na kualkier momentu
- Un di e parehanan ta entregá e disolushon di e matrimonio.E regla prinsipal ta pa e matrimonio a dura a lo ménos 3 aña.
Na disolushon di e matrimonio despues di separashon mester entregá un petishon outéntiko di e desishon hudisial unda e separashon ta wòrdu menshoná.
3. Defensa kontra matrimonio
Bo pareha mes a entregá un petishon di divorsio?
Bo tin 3 posibilidat:
Kontra di e petishon di divorsio
Bo nò ta di akuerdo ku e petishon di divorso of petishonan akompañante manera alimentashon of areglo di bishita? Bo por entregá un karta di defensa te ku e fecha di tratamentu di e divorsio.
Mas tempu
Bo mester di mas tempu pa entregá bo karta di defensa? Bo por pidi hues retraso.
Apstené defensa
Ku un deklarashon di referensha, bo por duna di konose na e hues ku bo ta laga e desishon.Bo ta deklara ku bo a risibi e kopia di e petishon, ku bo no ta entrega un karta di defensa i ku esaki no ta nesesario pa e kaso den Korte.Pues bo no mester entrega un karta di defensa.
Niun reakshon
Bo no a rekashoná? Hues ta disidi e ora ei tokante e petishon di divorsio i tur otro petishon den kuadro di e divorsio,manera alimentashon of maneho.Bo ta risibi despues di algun siman e desishon di hues tokante e divorsio.
Abogado no ta nesesario
Si bo ke pidi retraso of ke entrega un karta di defensa, bo no mester di abogado pa esaki.
Desishon momentáneo pa motibunan práktiko
Bo mester di un desishon purá tokante kuido di e yunan of uzo temporal di un kas konhunto i ambos partido no por sali afó? Por pidi hues un disposishon provinshal.Esaki ta un prosedura apart.No ta nesesario pa tin un abogado pa esaki.Korte lo yama ambos partidio pa un seshon i despues un desishon lo keda tumá mas pronto posibel.E desishon lo ta pa un temporada.
4. Repartishon despues di divorsio
Den un prosedura di divorsio si ta nesesario hues lo trata e parti di repartishon. Ta práktiko pa duna di konosé delantá si e pareha ta kasá den konvenio of kondishonann nupsial.Si e pareha ta kasá den konvenio matrimonial i no por yega na akuerdo di repartishon, tin ku pidi un prosedura adishonal pa esaki.Pa esaki tin gastu adishonal.
Sera konvenio
Huntu boso por yega na un areglo tokante repartimentu i/of reglamentu, eventualmente ku ayudo di un abogado,pa asina trese un solisitut pa un konvenio dilanti di hues.
5. Seshon
Invitashon seshon
Pa e seshón abo i bo partner lo risibí un invitashon .Den esaki tin pará ki dia (fecha) e seshón lo tuma lugá na Korte di promé instansha di Aruba.Durante e seshon abo i bo partner lo haña e posibilidat pa duna un splikashon oral.
Kombersashon ku menornan di edat
Korte di Promé Instansha lo yama muchanan entre 12 i 18 aña pa medio di un karta pa un kombersashon di mucha. Un kombersashon asinaki ta dura mas o menos 10 minut. Mayornan nò por tuma parti di e kombersashon.E mucha nò ta obligá pa bini.Na lugá di presentá e menor por skibi un karta tambe pa hues.
Sin públiko
Durante e seshon nò por tin públiko presente.Kasonan di divorsio nò ta públiko.Hues ta disidí si partidonan profeshonal manera Voogdijraad of gezinsvoogdij por ta presente durante e seshon.
6. Desishon hues
Niun desishon
Un kaso ta terminá sin desishon di hues na momento ku bo partner revoká e prosedura.
Veredikto
E hues ta duna veredikto den mayoria kaso. Solamente esaki ta tuma lugá 4 siman prome ku desishon di hues i por pasa tuma esaki personalmente.Si akaso hues tin ku pensa un tiki mas largu, e desishon ta tuma lugá den mayoria kaso despues di 6 siman.E hues ta laga sa na final di e seshon ki dia por pasa tuma e veredikto.Esaki ta e desishon di divorsio.
7.Apelashon i Cassatie
Apelashon
Un di boso no ta di akuerdo ku e veredikto di hues? Abo i bo partner por bai kontra di e desishon di hues den apelashon.Inisialmente bo tin 6 siman pa apelá.
Cassatie
Un di boso nò ta di akuerdo ku e veredíkto di Korte Komún di Hustisia? Abo of bo (èks-) partner por bai cassatie of apelashon.Apelashon lo nò trata e kontenido di e kaso. Apelashon ta solamente husga si Korte Komun di Hustisia a kometé un fayo hurídiko.Un abogado tin ku hasi un apelashon pa cassatie.
8. Inskripshon Divorsio
Inskripshon di e desishon na registro sivil
E divorsio ta inisiá dor di inskripshon di e desishon di divorsio na registro sivildi aruba (Censo).E inskripshon aki ta sosodé riba petishon di ámbos partido of un di nan.Si e petishon pa inskripshon nò ta hasí pa mas tardá 6 luna despues di e desishon di hues, e desishon ta pèrdè validés.
Kiko bo mester?
Pa inskribí e desishon na registro sivil bo mester : un kopia di e desishon di divorsio i e deklarashon di Korte ku e desishon ta na vigor.(kopia i deklarashon).E kopia i deklarashon lo ta kla 4 siman despues di veredikto di hues na e balie di Korte di Prome Instansha di Aruba. Lesa kua situashon ta di aplikabel pabo.
Pa risibi un deklarashon bo desishon periodo di apelashon den kuadro di e desishon di hues mester a vense.Ora esaki vense e veredikto ta definitivamente irevokabel.Tin termino mará na esaki.
Petishon konhunto pa Divorsio
Si bo a entrega un petishon konhunto pa divorsio, anto e hues a asigná esaki, e desishon pa pasa mesora den poder di hues. Nò tin posibilidat pa apelashon ora ta trata di un petishon konhunto pa divorsio.Bo por tuma e deklarashon i kopia den e kaso aki despues di 4 siman na e balie di Korte. Hues lo duna e fecha pa pa pasa rekohé esaki durante e seshon.
Lesa aki kua di e puntonan ta di aplikabel pabo:
- Si bo a entregá un petishon pa divorsio unilateral, ambos partido a presentá na e seshon, hues a asigná e petishon, i ambos partido a deklará ku nan ta konsentí e divorsio, e desishon ta bai na vigor mesora. Por pasa buska e kopia i deklarashon despues di 4 siman na e balie di Korte di Prome Instansha di Aruba.E fecha eksakto lo keda informá durante e seshon dor di e hues.
- Den kaso ku solamente e partido ku a pidi e divorsio presentá na e seshón i e hues a asigná e petishon mesora, mester solisitá un grosse.E desishon di divorsio mester keda notifiká dor di un deurwaarder na e kontra partrido.Si akaso e deurwaarder no entergá esaki pèrsonal na e kontra partido, e desishon di divorsio mester keda publiká den Landscourant.
- Bo mester bai ku e grosse serka e duerwaarder.Despues di notifikashon di deurwaarder i eventualmente publikashon e término ta drenta na vigor.E deurwaarder por duna mas
- informashon tokante esaki.
Por pasa ku e hues no a tuma un desishon na durante e seshon.Bo ta tende na final e fecha ku lo e duna di konose esaki.
Kiko mas bo mester?
- Na mometu ku buska e kopia i desishon mester trese: un stampia di Afl.8,- i unu di Afl.4,-
- Na momentu ku buska un grosse mester trese: un stampia di Afl.8,-
9. Inskripshon separashon legal
Inskripshon desishon na Registro Sivil
E desishon unda e separashon legal a keda diktá mester keda registrá konforme artikulo 1:173 lid 1 di e Kódigo Sivil di Aruba den e registro de propiedad matrimonial na Korte di Prome Instansha di Aruba i No na egistro Sivil di Aruba (Censo).
10. Gastunan di divorsio
Tin gastunan mará na un prosedura di divorsio.Bo ta paga e gastunan ku tin di haber ku e kaso: Honorario di corte
E gastunan ta lo siguiente:
- un solisitut unilateral pa divorsio: Afl. 50,-;
- un solisitut komún pa divorsio : Afl. 50,-;
- un disposishon provinsial : Afl. 50,-