Derecho Atministrativo
Personanan i organisashonnan ku tin un konflikto ku gobièrnu, por haña nan mes envolví ku derecho atministrativo. Ta trata akinan por ehèmpel di pèrmitnan, pagonan i asuntunan riba tereno di ordenamentu teritorial i medio ambiente.
Mayoria konflikto entre gobièrnu i siudadano ta trata kasonan di derecho atministrativo. Algun ehèmpelnan di esaki: desakuerdo tokante di nengamentu di un pèrmit di estadia, tokante di rechaso di supsidio òf tokante di un pèrmit pa konstruí. Derecho di ámtenar, derecho di impuesto i derecho di strañero tambe ta kai bou di derecho atministrativo.
Kasonan atministrativo
Un hues spesialisá den kaso atministrativo ta trata e kasonan. Sierto kasonan ta keda tratá segun proseduranan di ‘Landsverordening administratieve rechtspraak’ (Lar). Na islanan BES ta papia di Wet Administratieve Rechtspraak BES. Pa mas informashon tokante trato di e kasonan na Aruba bo por buska informashon via e página Landsverordening Administratieve Rechtspraak (Lar).