Hurisdiccion
Kico ta Hurisdiccion?
Hurisdiccion ta necesario na momento cu persona of instancianan no ta di acuerdo cu otro y no por resolve e conflicto. Hues ta dicidi den un caso asina, cual partido segun ley tin rason.
Si ta trata di un caso penal, e hues (principalmente) ta investiga si e acusacion mester ser demostra y si esaki ta e caso cua castigo mester keda impone. Casonan penal ta cay bao di codigo penal.
Aparte di e hurisdiccion pa casonan penal tin tambe hurisdiccion pa casonan civil y ehecutivo. Un ehempel di un caso civil ta un pareha cu ta den divorcio, caminda e pregunta ta cerca cual mayor e yiunan ta keda biba. Un ehempel di un caso ehecutivo ta un fundacion of asociacion cu no ta di acuerdo cu e decision di gobierno pa revoca nan subsidio.
Un hues ta imparcial y ta tene su mes na e reglanan di ley: E sistema hudicial. Hurisdiccion tey pa evita cu hende ta tuma ley den nan mes man. Pa motibo cu nos ta biba den un estado di derecho, tur hende mester tene nan mes na e reglanan di ley. Esaki ta conta pa e ciudadano,
pa gobierno y tambe pa e hues.