Hurisdikshon
Kiko ta hurisdikshon?
Hurisdikshon ta nesesario na momentu ku hendenan òf kompanianan no ta di akuerdo ku otro i no por yega na solushon di un konflikto entre nan. E ora ei ta hues ta disidí kua partido tin rason sigun lei.
Si ta trata di un kaso penal, hues ta analisá (prinsipalmente) si mester konsiderá ku e echonan ku a akusá di dje a keda probá i si ta asina, ki kastigu mester keda imponé. Kasonan penal ta kai bou di derecho penal.
Ademas di e hurisdikshon penal tambe tin hurisdikshon sivil i hurisdikshon atministrativo. Un ehèmpel di un kaso penal ta un pareha ku ta bai divorsiá, kaminda e pregunta ta surgi serka kua di nan e muchanan por keda biba. Un ehèmpel di un kaso di hurisdikshon atministrativo ta un fundashon òf un asosiashon ku no ta di akuerdo ku un desishon di gobièrnu pa para nan supsidio.
Un hues ta neutral i ta tene su mes na reglanan di lei: e sistema hurídiko. Hurisdikshon t’ei entre otro pa prevení ku hendenan ta tuma lei den nan mes man. Pasobra nos ta biba den un estado di derecho, tur hende mester atené nan mes na reglanan di lei. Esaki ta konta pa e siudadano, pero tambe pa gobièrnu i meskos tambe pa e hues.