Relato anual 2018: Corte Comun di Husticia den Desaroyo

Dialuna 13 di mei ultimo, Corte di Prome Instancia na Aruba a presenta su relato anual pa 2018 na prensa di Aruba. E ediccion aki di e relato anual tin como tema: Desaroyo. E enfoke di Corte den 2017 i 2018 tawata profesionalisacion, calidad y amabilidad y como tema prinsipal: Un cas na orden. Den realidad un cas nunca no ta cla completamente, pa motibo cu semper tin algo pa drecha, cambia, modernisa of mantene. Corte ta continuamente den desaroyo y netamente pa e motibo aki a scoge e tema en cuestion pa e relato anual aki.

Hurisdiccion
Cantidad di casonan
Na 2018 a entrega un total di 37.433 caso na Corte di prome instancia. Esaki ta un disminucion di 14% compara cu aña 2017 unda 43.426 caso a tuma luga. E disminucion aki tin di haber cu un bahada di 18% den casonan penal. Na 2018 a drenta un cantidad di 27.452 caso penal. Na 2017 esaki a suma un cantidad di 33.609. Pa locual ta trata casonan procesa, esaki a suma un cantidad di 37.635 na 2108 cu a conclui na un disminucion di 11% compara cu aña 2017 unda 41.707 caso a keda atendi. E disminucion tin di haber cu un cantidad di 18% menos di casonan penal atendi (27.452 vs. 33.609). A constata un crecemento di 19% den finalisacion di derecho administrativo.

E kantidad di casonan cu a bai apelacion a subi cu 8% na 2018 (1.258). Compara cu 2017 (1.162) e aumento aki tin di haber cu hurisdiccion di derecho civil (751 vs. 653) y casonan penal (228 vs. 199). E cantidad di casonan di apelacion cu a wordo procesa na 2018 tawata halto pa den hurisdiccion. Un total di 874 caso a ser atendi den comparacion cu un cantidat di 654 na 2017 cu ta hiba nos na un aumento di 34%.

Publicacion
Transparencia di casonan den Corte Comun di Husticia ta importante pa mantene e confiansa den hurisdiccion di e ciudadano. Pesei publicacion di sentencianan (anonimo) ta forma parti di esaki. Corte ta pone sentencianan disponibel pa publicacion riba rechtspraak.nl. Na 2018 a conoce un aumento chikito den e cantidad di publicacion. Esaki tawata 1.805 den comparacion cu 1.694 na 2017.

Casonan cu a hala atencion
Corte Comun di Husticia ta trata anualmente hopi caso. Tres caso cu di un manera of otro a causa impacto riba e islanan ta wordo nombra den e relato. E suspencion di pago di InselAir International B.V.. E caso aki a keda sigui pa tur isla y pais den nos region pa motibo di e conectividad cu e aerolinea tawata brinda. Seguidamente na Islanan BES, absolucion di un sospechoso na Boneiru cu a wordo acusa di actonan sexual cu un dama cu na e momento di e acto tawata bou di influencia y consecuentemente no tawata completamente na su conosemento, tawata tin como consecuencia cu a adapta codigo penal. Por ultimo e caso na Sint Maarten cu a hiba e nomber Emerald caminda a haci denuncianan incorecto di impuesto riba entrada y benta. Bou di e shete sospechosonan tawata tin un parlamentario cu a keda condena.

Hurisdiccion na Sint Eustatius y Saba
Atencion extra ta ser poni na Saba y Sint Eustatius. Hues suplente Monique James-Brown y secretario di Corte externo Rianna Bennett ta conta den un video tocante nan trabaonan y experencianan na Sint Eustatius. Ex hues suplente Sydney Sorton di Saba tambe ta bini na palabra durante e video pa conta tocante su carera riba e isla. Vicepresidente di Sint Maarten, Peter Lemaire, ta duna splicacion tocante e servicio na Saba y Sint Eustatius.

Huesnan local
Corte Comun di Hustisia ta keda aspira pa atrae huesnan local. Na 2018 tawata tin cinco hues den preparacion profesional na Corte. Dos di nan a finalisa nan estudio cu exito y a ser nombra miembro di Corte. Di e demas tres huesnan, dos a bai Hulanda pa profundisa nan mes den Corte di Hustisia Hulandes y alabes sigi cursonan na Stichting Studiecentrum Rechtspleging, cu ta e instituto di formacion pa poder hudicial y Ministerio Publico.

Calidad
Internamente Corte a keda traha riba digitalisacion y mehoramento di calidad di procesonan. Entrante januari 2018 tur caso civil y asuntonan administrativo ta wordo registra den un sistema nobo caminda ta registra casonan den Corte. E sistema ta ofrece oportunidad pa colecta informacion di maneho y tramitenan financiero manera ‘griffierechten’. For di juni ultimo casonan penal na Sint Maarten ta ser implementa y regla. Pa Boneiro esaki a tuma luga den october. Debi na esaki huesnan mester biaha menos dia delanta pa preparacion di un caso loke ta spaar nan tempo y alabes ta reduci gastunan di estadia. Digitalisacion tin tambe como bentaha cu e diferente islanan por traha mas facil hunto.

Alohamento
Corte di Husticia tin 4 establecimento, pero ta sirbi tur seis isla. Na Aruba Corte a drenta un acuerdo cu pais Aruba tocante e uso di e edificio di Corte. Esaki ta encera entre otro mantencion di e edificio y tambe compensacion di esaki.
E edificio di Corte na Corsou actualmente tin problema structural. Despues di un investigacion amplio a resulta cu mester hasi renobacion drastico na henter e edificio pa por resolve tur e problemanan aki. Un calculacion basico di e gastonan di renobacion a ser entrega na Minister di Hustisia na final di 2018.
A mehora e edificio icono conoci como “Courthouse”na Sint Maarten y e edificio anexo. Ambos edificio a sufri dañonan den cuadro di orcan Irma. Ainda tin mas reparacion cu mester tuma luga. E edificio no ta cumpli cu tur e exigencianan funcional pa un Corte di Hustisia moderno y sigur.
Corte na Boneiru ta buscando un localidat nobo ainda. Corte tin dos opcion na bista. Elaboracion y escoho definitivo pa cu e localidad nobo lo tuma luga e aña aki. Pa e islanan di Sint Eustatius y Saba keto bai ta dificil pero pronto lo bini cambio den esaki. En todo caso na Sint Eustatius, Corte lo join cu Ministerio Publico den un edificio cu anteriormente tawata un botica, mientras na Saba, Corte lo bai tin un loket den Bestuurskantoor. Esaki lo hasi hurisdiccion na e dos islanan mas accesibel.

Finansa
Corte Comun di Husticia a sera 2018 cu un resultado positivo di 275.000 florin. E resultado aki a ser ocasiona door di gastonan incidental di 689.000 florin cu no ta procedente for di explotacion di empresa (bedrijfsvoering) regular. Si acaso e resultado wordo coregi, Corte lo a hiba un perdida den 2018 di 414.000 florin. E perdida aki ta comprendibel debi cu Corte tawata tin un tarea di economisa aproximadamente 1.3 mion florin. Bestuur a hiba un maneho di economisa estricto ora di contrata personanan externo y gastonan di explotacion pa asina por a realisa esaki. Esaki a logra pa gran parti.

E aña aki tambe por mira e relato anual interactivo di forma digital. Esaki ta encera e posibilidad pa por mira e videonan di e entrevistanan tambe.